I gang en d' Mess' (Nördlinger Messe)

Os gond end Mess of Näärle

Erinnerungen an den Besuch der Mess vor ca. 30 Jahren

Os gherad zwar nemme direkt zorn Ries sondern ens daran anschließende idylische Kesseltal dennoch war die "Nördlinger Mess" für uns Kinder ein Begriff. Lange schon wartete man auf die Zeit wenns dann endlich hies "os gond end Mess" wohl gemerkt "os gond end Mess" und nicht "auf d Mess".

Nach alter Überlieferung war der Spruch bekannt "Pfengschtwuch aus, Messwuch ei". Das bedeutete und so isfs bis heute, daß die Mess am Samstag nach Fronleichnam beginnt und 10 Tage dauert also bis zum übernächsten Montag, dem Herrameede.

Das dia Mess ebbes ganz Besonderes war wurde schon im Voraus deutlich. Denn viermal im Jahr gab es ein ganz besonderes Geschenk. Zo Weihnachta, zo Oaschdra, zorn Namenstag ond ebba a Messgeld. Ganz lange wurde dieser alte Brauch beibehalten und als wir schon richtig große Kinder waren wurden wir noch immer von den Eltern mit Messgeld beschenkt.

Es war immer eine recht arbeitsreiche Zeit "wenn d Mess" a ganga isch.

Dia gloine Ruba warad zorn hacka ond des war ebbl a so a groaß Stick. Ond Gras war zorn meha ond Hei zorn derra. Des meist sonnige frühsommerliche Wetter musste man ja schließlich ausnützen. Dennoch nahm man sich einen Nachmittag vor, wo's dann endlich hieß "os gond heit end Mess". Man suchte einen Wochentag heraus wo d Schul bald aus war und wir Kinder alle zeitig nach Hause kamen.

Freilig konnten nicht alle Familienmitglieder mit end Mess aber das war schon von vorn herein klar. Bis ma nocht endlich gricht war ond fuhrt komma isch des hot dauert. Aber die Vorfreude war riesig. Dia Autofahrt war problemlos bis Möttingen. Jawohl dann nämlich hot dr Vater wieder den berühmten Glanz en seine Oga griagt, wie er des riesige grüne Schild "Baywa" gsecha hot. Niemals nämlich konnte unser Vater an der Baywa Möttingen vorbei fahren ohne irgendetwas darin erledigen zu müssen .... Schrauba, irgend a Ersatztteil oder sonscht ebbes hot er alweil braucht. .. ond wenn nett, nocht hot dr oifach dia nuischte Maschena ond Bulldog gschwend a gschoba gmeast. Für uns Kinder und die Mutter, die wir im Auto warten mussten war das immer recht lästig und eine nervenaufreibende Sache. Als die Fahrt dann endlich weiter ging konnten wir es kaum erwarten bis wir schon von Weitem ds Näärle das Riesenrad von der Kaiserwiese in den Himmel ragen sahen. Wer nun glaubt das wir uns jetzt ens Messvergnüga stürzen konnten der täuscht.. ... Denn der Vater brauchte noch irgend a Drom vom Eisefischer. Schon leicht gereizt warteten wir noch einmal halbwegs geduldig im Auto bis der Herr Papa seine unaufschiebbaren Besorgungen erledigte.

Hoch und heilig versprach er uns: "latz gommr end Mess!!"

Lange schon haben wir an dr Messbloam, so wird die Margaritte im Ries genannt, abgezählt "Os gond end Mess wer fiert os drei" mit wem wir die "Nördlinger Mess" besuchen. So lange wurden die einzelnen Blütenblätter von der Margaritte abgezupft bis keins mehr übrig blieb .... Bald war o a Parkplatz gfunda ond ma hot ausgmacht wann ma se wieder trifft.

Vorna gleich beim Neiganga do warad Ständ mit Pullover ond Schürza ond Gwand ond Socka. Als klois Mädale hab i do mei Dindlkloidla ebbl griagt. Ond o so Ständ mit Haushaltskrimskrams hots viele geba. Weiter nocht a Gwürzstand ond Ständ mit ganz viel tollem Spielzeig. Glei hot ma se of da erst beschda gschdürzt ond hot dia viele Sacha bewundert. Als Kend hot ma ebbl a Sonnabrill braucht mit am knallroda Gschdell aus Plastik, a Bordele d.h. a Armreifle zorn dribrziega, passend drzua a Ihrle ond a Barbypupp, so a ganza schlanka hot ma 0 no braucht ond nadürlich an

nuia Strohhut mit am ganza scheana bunda Bendl.

Mei klonr Brudr hot elweil a Wasserspritzpistol gmecht ond an Fendtbulldog mit irgend oinr Maschin zorn a hänga ond o an Strohahuat hotr braucht.

Nocht isch ma dia Gass na ganga wo d Fahrgschäffte warad. Zwoimol hommer ebbl Karusell fahra deffa, enam flotta Sportwaga, odr enam Polizeiauto odr enam kloina Hubschrauberle. Alles hot blitzt ond blenkt ond huppa ond schella hot ma o kenna. Nocht ischma weiter ganga. Jedes oinzelne Fahrgschäft hond se os Kendr a gschoppt ond voller Bewunderung war ma. D Mutter isch nocht no oimol mit os

en des ganz groaße Riesenrad nei ond os warad bis ganz em Hemml doba.

Angst, ja freile, dia hommr scho ghed aber des hommr net gera zuageba.

Dr Vater isch nocht no a Runde Boxauto gfaha mit os. Des war des Högschde. Später als wir dann älter waren, war Boxauto fahren die "absolut tollste Beschäftigung endr Mess", des High light.

Weiter isch ma nocht durch dia Ständ gloffa, d Mutter hot oin odr zwoi Schürzl eikoft fr da Werchdag zorn Schaffa. Zwischendurch ho nd os Kendr a richtig

guats Eis endr Waffl griagt. Des war etwas ganz Besonderes. Denn Eis in der Waffel gabs sonst niea. Strohahiatla hot ma koft, fr os Kendr ond fr da Vater o oin.

D Mutter hot nocht no ebbl bei dem Staad mit dem viela Gschirr ond deane viele Häffala ond Döpfla gschdöbrt ond meist o ebbes gfonda.

Beim Staad vom billiga Jakob hot ma a wenig zua ghorcht ond so isch ma durch dia ganze Ständ rauf ond na gloffa. Am Glückshafa vom Roata Kreiz hot no jedr om zwoi Mark Los koffa deffa ond i wois gar net, osra Muattr hot ebbl ebbes gwonna.

Für os Kendr war des viele Spielzeig an fast jedem Stand de greascht Fred ond

wois Gott was, hett ma zam koft mit dem wertvolla Messgeld, wenn d Mutter net ebbl abissle bremst hätt. Der ganz besondere Duft von frisch gebrannten Mandeln ond ofm Holzkohlagrill brodene Messwürschtle ischt ja, so ded i saga, net blos en osre Erinnerung eizoga, sondern ganz innig en osre See!. Ond jedr der als Kend d Mess hot erleba dürfa, wird immer gern an diese Zeit zruckdenka ond immer wieder gera do her,do rei ganga wenn d Messwuch isch. Langsam deant oim scho a wenig d Fiaß wea ond hungrig isch ma o. Zeit werds das ma Messwürschdle koft mit frische Semmla. Meist muß ma do drfier a ganza Weile a standa. Abr des sends wert, gwiss wohr. Hot nocht d Muttr a Päckle

Messwürstle ofm Ara ond a Guck voll Semmla endrt Hand nocht got ma nei en des riesengroaße Festzeit. D Mutter packt dia Messwürschtla aus ond dia Semmla . Dr Vatr drenkt a frisch kialts Ankerbier em Kruag dr zua. Ond dia Messwürschtla schmeckad so guat. Ofm Pergamentpapier ond der Semmlguck ißt ma dia Messwürschtla. Ond i sag ui dia schmeckat so herrlich guat. Ja Messwürschtla essa isch a Glückseligkeit. Hot ma nocht gnua nocht muß ma langsam widdr ans Hoiganga denka. Aber zerscht muas ma no a wenig ebbes Eikoffa fr dia Drhoimbliebne. Es isch alter Brauch den Daheimgebliebenen a Messgschenk mitzubringen. Des warad

Messwürschtle, Käse, a Guck voll Magabrot ond a Guck gebrannte Mandeln ond vielleicht no ebbes Nützliches von am Staad. So sichtlich zufrieden und frohen Herzens traten wir dann wieder den Heimweg an. Von den Daheimgebliebenen wurden wir schon sehnlichst erwartet und erzählten von dr diesjähriga Mess.

Ond bei os Kendr em Dorf ond endr Schul hot ma no lang verzählt "Iwar fei scho en dr Mess".