Dr Mai ghörd Dir

Es isch Mai widdr wora ond doo stood,
de ganz Naadur em scheaschda Festdagsgwand strahlt ond leucht en alle bunde Farba

ond grad da, en dera holda Zeit

ischs seit je her alter Brauch

dr Muttergottes a"besondra Ehr zorn zeuga.
Dr Monat Mai der isch ihr geweiht.

latzt brechad auf dia Leit, dia Wallfahrer.
Wenn Sonn aufgot grad - no got ma los

ond zieagt naus durch Flur ond Feld ond ibrs Holz
gond driebr ibr an Steeg

ond am Bächle entlang

ond na da Berg

ond weit oft, got ihr Weg .

Vorane gond Kreiz ond Fahna

ebbl a mol wegslat dia Trägr ofm Weg.

Es sengat dia Wallfahrer em Globa ond en Fred,
Muttergotteslieadr ganz dia alde

oisch scheaner wiads andr.

Bedat in Andacht,

haldat a weng a an jedm Feldkreiz en dr Flur,
grüßad d Muttergottes anam Bildzeil anderwegs,
ond weiter flehats en dr Lauretanischa Litanei -" Maria bitt für uns".

Ond ganz em Einklang mitanand

hert ma des "Gegrüßet seist Du Maria" wias bedat von fern.
Da Roasakranz en dr Hand

betat fescht, oi Gsetzle ra oms andr.

Ma got laang scho, es isch a alts Vrsprecha
ond ebbl got ma mit, so lang ma ka.

Ond mit Fred ond Seligkeit got ma mit

ond a Fleha ond a Bitt tut ma traga na zar Gottesmutter.
Ond oft 0 an großa Dank brengt ma ihr mit

All des got net aus, des ganze Leba.

Mit feschde gschnierde Schuha, so got Dei Schritt
a Gwand des zar Not vor Rega schützt

ond wia ma so loft ond got em Schritt

kommt ma a weng zo sich
ond dia Allmacht des Schöpfers werd Dir bewußt
wenn Du so gosch en seim gschaffna Werk.

Ond ma denkt nooch ibr sein eigna Weg,

der doch elweil got bergauf ond berga.

ond Du globsch das doo ebr isch der Die do nehmt an dr Had
ond der Die a weng leit ond a wenig fiehrt.

Ond wia Du en dene Marienliedr heersch ond sengsch
so fensch 0 Du Schutz, ondr deam Mantl von dr Muttergottes.
Ond sia ka Dir Trost geba en Deiner Sorg
ond en Krankheit ond Leid a weng a Kraft
ond soo denkscht Du no a weng ahne, of Deim Weg.

Ond deant Dir Dei Fiaß weha, so langsam en Deine Schuha,
stondalang lofsch iatzt scho so zua
ond miad wersch o
ond schnaufa muasch.

Alles isch vrgessa iatz
Du sigsch dean Tura von dr Wallfahrtskirch
ond dia Glocka dia leidat ond rufad
ond glei leichter ond no a mol flott wird Dei Schritt.
No a feschtliches Muttergottesliad d MusikkapeIl spielt
so ziegat dia Wallfahrer ei mit Kreiz ond Fahna
fiere zom Altar der Mutter Gottes.
Dr festliche Wallfahrdsgottesdienst beginnt.
Alle Strapaz isch vergessa.
Des wonderbare Ziel isch erreicht.
Osre Mutter des Herrn sei allzeit hochverehrt.

Ond noch dem feierlicha Amt
isch Zeit das ma o sorgt für da Leib.
Ond so kehrat dia Wallfahrer ei
ond hogat beisama endr Wirtschaft ond send sich do einig
dia Brotzeit, des Radler war no nia so gut wia heit.