Es isch a wonderscheaner Oag em Juni meischt, da greaschda Feierde feirat os heit,

koi Weihnacht ond net Oaschtra

noi, Fronleichnamsdag isch heit

Oe ganz Schöpfung stood do en voller Pracht ­en ganzer Herrlichkeit,

alles bliat ond wagst ond gedeiht, ond d Natur hot a, ihr Festtagskleid

Zom Herrn Jesus bekennat se os heit,

er der allzeit gegenwärtig en dr heiliga Hostie dem heiligschda Sakrament des Altares,

se os gschenk hot, am Greadonnerschde em Obendmahlssaal

Zom Zeicha, ond om zo bekenna, osern echta tiefa rechta Globa ziegat os naus heit ends Feld ond end Flur.

Blos got ma heit nehme so weit

drom macht ma, em kloina dia feierlicha Prozession

A nuis Kloidle hot ma griagt i wois no wia heit

des war weis mit am bloa Bordürle,

ui werads net globa des hab i no heit.

A Körble drbei mit de scheaschde Bloma zom Schdrea fir des Allerheiligscht,

a weng Margritta von dr Wies,

dia leuchtende Bleddr von de Pfengschtrosa, ond von allem a weng,

was en d Muatter ihram Gärdie gwagsa isch

Ond wenn strahlend bloo dr Hemml, ond des Weddr hält von oba

no werd der Sportplatz heit a mol,

zom Gotteshaus, an dr gsonda frischa Luft ond dia aufgschdellda Bierbak,

dia isch heit dei Kirchabänkle

A oifacher Aldor isch liebvoll dr zua hergricht, wie schea,

om zom feiera dia Heiliga Mess. Ond dr vor, am Boda breut se aus, du musch stauna

a Teppich ganz aus Bloma.

Gmacht mit viel Liab ond Fleiß ond Gschick, dem Herrn zor Ehr ond zom Preis

Ond 0 0 Muttergottes werd verehrt, sia hot heit 0 a mol raus deft and Luft,

ihr Ked ofm Ara

ond des hot a Reasle endr Had. Glei nebrm Aldor stood se do, prächdige Bloma grüßad sie 0

Es weddlat em laua Soomrlüftle dia groaße weißgelbe Kirchafahna ond dr zua a paar kloinere

a lIe kunstvoll fromm bestickt

ond dr Traghemml stood ibrm Aldor

A Fred zom sea isch der gschmückde Weg, den dr Hr Pfarrer mitm Allerheiligschda got, dia viele jonge Birka - bei os sends Moiala­dia standat am Weg ond gebad

dem Allerheiligschda des rechte Geleit.

o MusikkapeIl hot a glegt ihr Tracht

ond spielt dserscht dia feierlicha heiliga Mess, ond geleit nocht des Allerheiligscht

en dr Prozession mit feschtlichem Glang. Ond des Volk dia Leit, em nobla Gwand sengat aus freudigem Herz

ond lebendiger Seel

Vier Altär send feschtlich gricht mit roadm Stoff, driebr a weiß Aldorduach mit ghäglde Spitza,

a Kreiz endr Mitt

lengs ond rechts a Kerz

ond driab ond dieb a wonderscheanes Blomagschdeck ond 0 do, schdon Moiala drom rom,

ond drzu no links ond rechs aBIomastrauß ond a roder Teppich, fiehrt zo jedem Aldor

Ond 0 osra Kloschdrkirch isch ausstafiert an jedem Seidaaldor a Moiale stood

Ond got nocht los dia feierlicha Prozession vorane d Ministranda ons Vortragskreiz

dr Musikverei, dia Kendr, dia Leit hendadrei

nocht kommat d Ministranda ond d Weißsonndekendr, iatz folgt ds Allerheiligscht

o widdr von Ministranda begleit, Weihrauch ond Schella honds dr bei, ond ds letzt nocht got

dr Rest vom Volk des Herrn

ond hot 0 net ebbl der Zug sei heiliga Ordnung, des nemmat os net gar so streng,

os gherad doch a lIe zam.

Ond dr guade Willa gilt fr ds Werk