Her ben i von do

  wo d Häsla hupfad ond d Rehla sprengad

  wo d Kucheschella bliat en Schara of dr Heud em Schweda dob

  wo Schlisslbloma stond grad gnua wo d Silberdischtla wagsat

an am karga Rangga

Her ben i von do

wo ma s hot vom Hof bis ends Holz

nor an Sprong

wo ma heit no hert an Kuckuck schreia

Her ben i von do

  wo d Kessl se gsucht hot ihran Weg

durch stoinige Äcker

ond an bucklige Wiesa vrbei

Her ben i von do

wo d Nochbre em Gärtle den stood

grad so wia d Mutter 0

her ben i von do

wo dia zwoi no a Rätschle halda kennat

ibr da Gardazau nom

Her ben i von do

wo ma se no fred ibr aVegeie

des zwitschert en a lauer Soomernaacht wo oims Herzle aufgot

wema guckt ibr a Wies

of der hondertdausad Milchschteck bliat

Her ben i von do

wo a Feldkreiz stood en jedr Flur

wo man ebbl no an Herrgott braucht das ebbes wagst ond weerd

Her ben i von do

wo ma no stauna ka ond Dankschea

osm Herrgott saga ka